SOLISCHALLAY SOLIS
(Danza tradicional de Tinta)
Solischallay solis
tustunchallay tustun
Mayqen tiendapitaq
sinsillachisayki?
Paris parischata
parisnakamusun;
chirita wayrata,
kuntrastarimusun.
Wasiyki punkupi,
munapayawanki
wasiyki qhepapi
chola trayshunira.
Piris pirischata,
hayachikamusun;
tarwi tarwichata,
tariykunaykama.
Esquina tiendayoq
hamunki niwaran;
traguta vinuta,
uhyasun niwaran.
Imas tomashayman
hayk'as uhashayman
mana reqsiskaywan
mana yachasqaywan.
Solis solischallay
tustun tustunchallay;
hoqnin tiendapicha,
gastarapusayki;
piqpa tiendanpicha,
tukurapusayki.
Solischallay solis,
sonqoymi nanawan;
iskayta rikuspa.
qhepanchawashanku.
Tullutullullañas kani,
siq'ay siq'ayllañas kani;
chaynan churakuni,
qhepanchawaqtinku.
Soltera manzana,
Casado durazno;
maypiraq karanki,
soltero kashaqtiy.
Soltero kashaspa,
tusurikusunchis;
Casado kaspaqa,
q'oncha sikillapin.
Iman qonqaymanchu,
manzana vidayta;
Tinta plazachapi,
puriyukusqayta.
Ama purinkichu,
sapachallaykiqa;
munasqay t'ikata,
tuta lloqsisqacha.
Ima qonqaymantaq,
soltero kasqaymanta
tuta uraschata
Tinta p'asñachawan.
Manzana vidaschallay,
puriyukusqayta;
ima qapapipas,
ima pachapipas.
Traguta t'ikanta,
soltero kashaspa;
chola munasqayta,
manzana kashaspa.
Kahachapipas kakuy;
baulchapipas kakuy;
siempre yanaytaka
yanaymi nillasaqmi.
Wawa Fernandito,
sullk'a Amarito:
intita wataspan
qantan suyashayki;
Tinta plazachapin,
qanta suyashayki.
Mamacha Micaela,
sumaq patronita;
qanmi yachashanki;
yawar waqasqayta;
mit'a alwasuta,
tukupullawaqña;
mit'a alwasuri,
tukukunmanchuri.
San Bartolomé Apu,
lishinsaykita qoway;
mana alwasuta,
kargu ruwanaypaq;
imas ruwashayman,
hayk'as ruwashayman,
mistiq machanampaq.
Malliylla malliykuway
tinteña p'asñachaqa;
manchay qhariwanmi,
kasarayunaypaq
tinteño maqt'apunis,
dispusayuwanqa.
Pillas surtiy karan,
pillas viday karan;
wayllurikunaypaq,
munarikunaypaq.
Hakuchu niñucha
tomarakamusun;
hakuchu q'aracha,
tumarakamusun,
esquina tiendapi.
Aquí estoy soltero,
aquí estoy manzana;
puñukusharanin,
taqya patachapi.
Achachau soltero,
manamá wanasqa;
illariyuwaqchu,
paqariyuwaqchu.
Illarinaykipaq
midiyuyki kashanchu;
paqarinaykipaq,
rivindayki kanchu.
Soltero vidaqa,
manzana vidaqa;
sumaq takikuysi
allin t'ohachiysi.
Soltero vidaqa,
tusurikunapaq;
Casado vidaqa,
yawar waqanapaq.
Atataw kumarri,
chaynamá kasqanki;
suwasqa wallpata
mihuchiwasqanki.
Casado vidaypi,
mayu apawasqa;
hina kashaspachus,
tumarachiwanki.
Wasiki qhepapi
manzanillas mallki;
piraqcha mayraqcha,
t'ipiriykusunki;
noqapuniñachus,
t'ipiriruykiman;
asispa waqaspa,
with'ariyusayki.
Ananallau tura,
soltero kashanki;
llaqtanchis usunta,
muyuramusunchis;
Kaypipas, maypipas,
ima misk'ichata,
q'asa q'asaxhanta.
Aquí estoy kirischu,
illariyamusun,
aquí estoy soltero,
paqariyammusun;
Sapallurishanin,
sapa yuyarispa,
sapatuyuq kani,
solis solischallay.
Soltero vidacha,
soldado vidacha;
llapa solterita,
laduyman hamuchun.
Aquí estoy soltero,
tumayukunaypaq,
aquí estoy manzana,
machayukunaypaq.
Sumaq takiq tuya,
maypin takishanki
chayta yuyarispan,
tumayukushani.
Tinta plazachapi,
turucha puhllashan;
ima inhalmayoq
puka inhalmayoq.
Doctor Lazo pampamansi,
toro lloqsiyamun;
piraqcha lloqsinqa,
piraqcha puqllanka.
Mana noqata wahraspas,
kawallituyman wahrarun;
hina wañuy kawallituy,
duyñuykita difindispa.
Solischallay solis
tustunchallay tustun
paña balkonchapi,
sirillay siriq masiy.
Sarachay parwa parwa,
triguchay sisay sisay;
wayt'a plasachapi,
puñuylla puñuq masiy.
Manachu machanki;
manachu gustanki;
machankin Aguirre,
noqa hina takinki.
Recopilación: Las letras de esta danza,
tienen diversos textos, en este trabajo
de Juan Antonio Manya Ambur, se
respeta la singularidad de ellas en
el tiempo y la composición.
